miércoles, 11 de julio de 2012

Madrid recibe a la marcha minera

Si no quedan palabras que decir,
ni esperanza para la razón,
esperemos un poco de acción.



martes, 10 de julio de 2012

Hayedos de mayo



Les lluces de la ciudá
llíndienme cabo la mar
hasta la playa balera
onde'l carbón y l'arena
s'abracen una vez más.

El presente queda atrás,
presu del atapecer.
Pasen sieglos nun momentu,
y oigo como nun llamentu
la voz de la soledá.

Andarina, vienes tarde,
andarina, vienes tarde,
vistida de sol y orbayu,
traes oro y plata traes
a los fayeos de mayo.

Pente ñubes de robín,
siento l'alma mineral,
trabayada en desengaños,
apagada como'l faro
d'una mar d'escoria gris.

Fatigáu del camín,
engurriáu pol bramar
d'innumerables hibiernos,
suaño los díes eternos,
espierto en nueches sin fin.

Andarina, vienes tarde,
andarina, vienes tarde,
esllumando como'l rayu,
risca l'alba d'esmeralda
pelos fayeos de mayo.

Pente calles de cristal,
trona'l cantu del nordés
con palabres de poeta,
evocándome una idea,
tresportándome al llugar ...

... onde ñaguo por volver,
ente los montes del sur,
onde vuela'l sitiu míu,
onde too tien sentíu,
onde soi quien quiero ser.

Andarina, vienes tarde,
andarina, vienes tarde,
endolquiada del to cantu.
Yá relluma la rosada
pelos fayeos de mayo.

Cuántes promeses traxeras
con aquella primavera
y marcharon col verano.
Llevóme la vida entera
regresar a la to vera
y a los fayeos de mayo.

Andarina, vienes tarde,
andarina, vienes tarde,
vistida de sol y orbayu.
Yá ye tiempu que descanse
so los fayeos de mayo.

Andarina, vienes tarde,
andarina, vienes tarde,
esllumando como'l rayu.
Risca l'alba d'esmeralda
pelos fayeos de mayo.


domingo, 8 de julio de 2012

Dende'l corazón de les cuenques

Comentó un asturiano en Público algo que me gustó mucho (énfasis mío):

Dende'l corazón de les cuenques.
Equí, naide dulda de que los mineros son unos privilexaos, nin que'l dineru de la reconversión foi mal invertíu (por non dicir robáu), tampoco somos fatos.
Equí naide dulda de que les prexubilaciones fueron y son un gran erru, nin de que la minería vive de les subvenciones, tampoco somos fatos.
Desconozo la realidá de les cuenques lleoneses, palentines o turolenses, pero nun tien de faltar enforma de les asturianes, y tampoco tienen de ser fatos.
El petroleo ta subvencionáu, la enerxía nuclear ta subvencionada, les anovables tan subvencionaes.
Los políticos tán subvencionaos, la ilesia ta subvencionada, l'exercito ta subvencionáu, los antidisturbios que andan por equí tán subvencionaos, los bancos, el fútbol, los toros, los latifundios de la duquesa d'Alba tán subvencionaos, tampoco somos fatos.
Lo sorprendente nun ye la llucha de los mineros, sinón la apatía del restu del colectivos.
Y ye que paecemos fatos.
http://www.publico.es/439308/los-mineros-cumplen-40-dias-de-huelga-indefinida#comentario-1